Të moshuarit në qytetin e Kukësit po shfaqin interes për dozën e tretë anti-Covid. Prej tre ditesh ata i janë drejtuar qendrës shëndetësore për të marrë dozën përforcuese ndërsa thonë se të gjithë duhet të vaksinohen.
Për një interesim për tu vaksinuar me dozën e tretë bën të ditur edhe Orsela Basha koordinatore e fushatës së vaksinimit.
Nga e hëna e kësaj jave ka filluar aplikimi i dozës së tretë për personat mbi 60 vjec, të cilët kanë të paktën 6 muaj që e kanë bërë dozën e dyte të vaksinës.
“Unë sa e mora dozën e tretë , kam bërë dy vaksina kineze dhe sot Pfizer dhe me atë të gripit sezonal”-tha një nga të moshuarit.
“U bëj thirrje të gjithëve të vaksinohen, unë jam më e sigurt tani”-u shpreh një tjetër.
“Kemi një Interesim mjaft të lartë sidomos nga moshat e treta për të gjitha vaksinat. Kemi dy grupe punë, një pasdite dhe një paradite, minimalisht nga 10 vaksina në ditë”-tha punonjësja shëndetësore.
Discussion about this post