Nënkryetari i Partisë Demokratike, Enkelejd Alibeaj, përmes një postimi në rrjetet sociale, kërkon ndaljen e dhunës së Policisë së Shtetit, ndaj qytetarëve protestues. Alibeaj shprehet se Rama duhet menjëherë të marrë masa të nxjerre ekonominë nga kriza dhe të ndalojë rritja abuzive e çmimeve.
“Të ndalet dhuna e policisë ndaj protestuesve që më të drejtë po kundërshtojnë rritjen abuzive të çmimit të karburantit! Sot lëvizjet në bursë reflektohen në çmimin e karburantit brenda orës dhe sot 60% e çmimit janë taksa. Rama duhet menjëherë të marrë masa të nxjerre ekonominë nga kriza dhe të ndalojë rritja abuzive e çmimeve” – shkruan Alibeaj.
Kujtojmë se për disa orë qytetarë të shumtë kanë protestuar para kyreministrisë, ku më pas janë shpërndarë duke bllokuar disa rrugë të Tiranës. Ata janë shpërndrë pas ndërhyrjes së FNSH-së, ku deri më tani janë arrestuar 135 persona.
Discussion about this post