Vdekja e të riut Lear Kurti pas shoqërimit në Komisariatin nr.3 të Tiranës ka ngritur mjaft dyshime ndaj Policisë së Shtetit. Në lidhje me ngjarjen e rëndë, foli sot në mbrëmje deputeti i Partisë Demokratike Ervin Salianji. Ai tha se fillimisht duhet të nisin hetimet për Ardi Veliun, i cili ka tentuar të mbulojë rastet që implikonin policinë.
“Të gjitha provat, dëshmitë tregojnë që nuk janë ato që ka thënë policia, si që e kanë çuar me shenja jete ne komisariat, që nuk kanë ushtruar. Nisja e hetimeve duhet të bëhet për Ardi Veliun, manipuloi edhe ngjarjen e Elbasanit, manipuloi kur u dhunua një fëmijë, adoleshent, pra është përsëritës. Çfarë besimi mund të kesh te prokuoria kur nenin e kishte citur gabim, kur bën deklaratë të përbashkët me AMP, s’kanë punë me njëra-tjetrën. Jemi në regjim, gjithçka kontrollohet nag një dorë, nuk ka përgjegjësi politike. Është i njëjti drejtues që ishte kur u vra Klodian Rasha dhe tha ishte me pistoletë, gjuajti policët. Më kriminale është mbulimi i ngjarjeve”, tha Salianji.
Discussion about this post