“Të pastrohemi nga mendësia bolshevike”, Basha: Kam mbështetjen e 99.9% të demokratëve

Në konferencën për inceneratorët, kreu i PD, Lulzim Basha tha se ka mbështetjen e shumicës dërrmuese të demokratëve në veprimet e tij.

Basha tha se para mediave se 99.9% e demokratëve duan të ardhmen dhe shkëputjen nga mendësia bolshevike dhe aferat e ndodhura gjatë ish-qeverisjes së PD, duke lënë të nënkuptohet që nuk e shqetëson lëvizja e ish-kryeministrit Berisha.

“E kuptoni që betejat tona janë dhe mbeten parimore. Kjo e inceneratorëve këtë tregon. Ne denoncojmë ju përpiqeni të pasqyroni. Beteja është për të ardhmen, për të mos mbetur peng për të shkuarën. Shumica absolute, 99.9% janë për të ardhmen. Si lidh asgjë as me mendësinë bolshevike, partia nuk është pronë e askujt, e as me aferat korruptive që kanë ndodhur gjatë qeverisjes tonë. Shumica e demokratëve s’kanë përfituar, por janë dëmtuar. Për ta pastruar PD nga mbeturinat e sistemit komunist, janë 99.9% e demokratëve”, tha Basha.

Basha u shpreh i vendosur në denoncimin e aferave korruptive dhe shtoi se aksioni i fundit i SPAK për arrestimin e ish-ministrit Lefter Koka e kanë marrë indicien nga një kallëzim i bërë nga PD.