Paratë që duhet të shkojnë për të prekurit nga tërmetit, qeveria jonë i shpenzon për të rregulluar vilat e saj. Kujtojmë se kanë kaluar katër vite nga tërmetit i nëntorit 2019 dhe ende shumë familje janë të pastreha. Situata vazhdon e njëjtë sepse kryeministri Rama firmos shpenzime për luksin e tij dhe të vartësve. Këtë herë ai ka urdhëruar që të rikonstruktohen vilat qeveritare. Ku, vetëm për vilën numër 5 do të shpenzohen 5 milionë euro.
Kontrata është publikuar në Agjencinë e Prokurimeve Publike nga Drejtoria e Shërbimeve Qeveritare. Tenderi ka si objekt “Zbatimi – Projekt Rivitalizimi i Rezidencës Qeveritare Vila nr. 5”, fondi limit 499.696.978,20 mijë lekë dhe afati i përcaktuar është 6 muaj.
Në dokument thuhet se do të bëhet rikonstruksioni dhe lyerja totale e kësaj godine brenda gjashtë muajve.
Firma fituese është “Ad-Star shpk” dhe sikur duket e ka përfituar kontratën pa garë fare. Sepse nuk pa pasur asnjë të skualifikuar dhe asnjë ofertë tjetër. Tenderët pa garë janë bërë të zakonshëm tani nga qeveria dhe SPAK i lejon.
Por, vlera marramendëse prej 5 milionë eurosh që do të shpenzohet për riparimin e një vile është e pa justifikueshme.
Sikur e përmendëm në fillim të shkrimit, këto fonde mund të shkonin për rikonstruktimin e shtëpive që u prekën nga tërmeti. Pasi mijëra familje jetojnë me qira ose akoma në çadra.
Kujtojmë se pak javë më parë vetë ministrja Delina Ibrahimi ka bërë të ditur se aktualisht mbi 8 mijë familje janë ende të pastreha. Duke premtuar se do të jenë në shtëpitë e tyre të reja deri në fund të vitit 2025.
“Në vitin 2020, numri i familjeve përfituese nga politikën e strehimit, pra të subvencionimit të qirasë, ishte rreth 14,100, ndërsa sot janë 8,400 familje që marrin bonus qiraje me një vlerë mesatare prej 20 mijë lekësh në muaj. Përgjatë periudhës 2020-2022 janë 8.4 miliardë lekë të financuara për këtë qëllim dhe për vitin 2023 janë planifikuar 500 milionë lekë”, tha Ibrahimaj.
Në fakt i njëjti premtim është bërë edhe për pranverën e vitit 2021. Por gjithçka mbeti në letër. Ndërsa primare për qeverinë është vila numër 5 dhe të tjera si ajo që do të rikonstruktohen më vonë.
Kujtojmë se në vitin që lamë pas u shpenzuan 160 milionë lekë për pjata, pirunë e peshqirë për vilat qeveritare. Shpenzime luksoze në kohën kur vendi përballej me krizën që la pas pandemia e Covid-19.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post