Personat që shihni në foto janë Fatmir Mjeshtri, Besnik Mjeshtri dhe Fiqiri Mjeshtri, autorët e vrasjes së dyfishtë dhe plagosjes së dy të tjerëve në qendër të Klosit, ditën e sotme, ngjarje që ka tronditur vendin.
Fiqiri Mjeshtri dyshohet se ka kryer vrasjen e babë e bir Kenad dhe Liri Shirës pranë një lokali në qendër të Klosit teksa ishin duke kaluar në trotuar.
Mjeshtri është ndihmuar edhe nga vëllezërit e tij për të kryer vrasjen. Besnik dhe Fatmir Mjeshtri janë vënë në pranga, ndërsa Fiqiri Mjeshtri vrau veten me armë zjarri në momentin kur do të arrestohej nga policia.
Të plagosur kanë mbetur Eglantin Hasula dhe Renato Hasula atë cilët janë gjendur në kohën dhe vendin e gabuar.
Nuk dihet ende gjendja e tyre shëndetësore, ndërsa gijotina.com raportoi se ata janë plagosur si pasojë e breshërisë së armës të përdorur nga Fiqiri Mjeshtri.
Nga hetimet paraprake dyshohet se vrasja e babë e bir Kenad dhe Liri Shirës është kryer për motive të dobëta. Ndërsa burime pranë gijotina.com bënë me dije, se mes dy fiseve ka patur konflikte të hershme.
Discussion about this post