Reali i Madridit do të nisë sot përgatitjet për sezonin 2023-2024 në qendrën stërvitore të Ciudada real Madrid, në Valdebebas. Por Carlo Ancelotti dhe përgatitësi fizik Antonio Pintus do të kenë nën urdhrat e tyre vetëm 9 futbollistë.
Toni Kroos, Dani Ceballos, Ferland Mendy, Alvaro Odriozola, Jesus Vallejo, Lucas Vasquez, Fede Valverde, Brahim Diaz dhe Jude Bellingham do të jenë lojtarët që do të nisin nga puna.
Ndërkohë që pjesa më e madhe e lojtarëve do të bashkohen në ditët në vijim, teksa do të shijojnë disa ditë pushimi më shumë.
Siç ka njoftuar klubi, përgatitjet do të nisin me analizat mjekësore, ndërsa pasdite do të nisë stërvitja në fushë.
“Los Merengues” do të qëndrojë në Spanjë disa ditë para se të niset për në turin amerikan më 20 korrik. Real Madrid do të zhvillojë edhe disa ndeshje miqësore në Amerikë, ku përballë do të ketë skuadra gjigande si Milan, Juventus, Barcelona e Manchester United. Këto takime zhvillohen nën ombrellën e Soccer Champions Tour.
Discussion about this post