Gjatë ditës së sotme, disa protestues serbë janë mbledhur pranë objekteve komunale në Zveçan, Leposaviç dhe Zubin Potok, në mënyrë që të pengojnë kryetarët e rinj të hyjnë në ndërtesat e komunave.
Pranë ndërtesës së Komunës së Zveçanit është parë tym i gazit lotsjellës. Pamjet janë publikuar në rrjete sociale. Nuk raportohet për persona të lënduar.
Nga ana tjetër, mediat kosovare kanë raportuar pak minuta më parë për të shtëna armësh, para Komunës në Zveçan.
Mediat raportojnë se ka filluar një përleshje në mes të Policisë së Kosovës dhe qytetarëve serbë që janë mbedhur para ndërtesës së Komunës së Zveçanit.
Mediumi i referohet disa pamjeve që janë transmetuar live nga qytetarët. Aty shihet se është hedhur gaz si dhe dëgjohen krisma armësh.
Para godinës së Komunës së Zveçanit, që është bllokuar nga serbët, raportohet se janë dëgjuar të shtëna me armë, para pak minutash. Ndërkohë që është parë edhe tym e gazit lotsjellës.
E pak metra më larg, një veturë e Policisë së Kosovës ka marrë flakë, raporton gazeta Reporteri.net. Pamjet janë shpërndarë në Twitter nga banorët.
Discussion about this post