Të shtëna me armë në një shkollë në Suedi, pesë persona të pagosur

Të shtëna me armë kanë ndodhur në një shkollë në Suedi, konkretisht në qytetin Örebro.

Policia njoftoi se një person i panjohur qëlloi me armë automatike.

Policia suedeze ka konfirmuar se i janë përgjigjur thirrjes për kërcënim me sulm vdekjeprurës në shkollën Risbergska në qytetin Orebro, 125 milje në perëndim të Stokholmit.

Pesë persona janë qëlluar, por për gjendjen e tyre shëndetësore nuk dihet akoma asgjë, kanë bërë të ditur nga policia suedeze.

Në mesin e të lënduarve besohet të jetë edhe një zyrtar policor, raportojnë mediat e atjeshme.

Media suedeze Atfonbladet raporton se spitalet lokale janë duke u përgatitur për një fluks pacientësh, me dhomat e emergjencës dhe njësitë e kujdesit intensiv që po kompletohen me mjetet e nevojshme.

Njerëzit që jetojnë në zonën Vasthaga janë urdhëruar të futen nëpër strehimore apo të mos dalin nga shtëpitë e tyre.