Mbrëmjen e djeshme, te Kthesa e Kamzës janë regjistruar të shtëna me armë por për fat të mirë nuk ka pasur të lënduar. Abcnews raporton se seksioni i Trafiqeve në drejtorinë Tiranë kishte ndërmarrë një operacion në këtë zonë, tek pallatet maleziane.
Operacioni ishte për të arrestuar persona që merren me klandestinë. Megjithatë, mbetet ende e paqartë nëse të shtënat u bënë nga policia, apo nga personat që do të arrestoheshin. Ende nuk ka një njoftim nga policia, pritet të sqarohen rrethanat.
Kujtojmë se zona e Kthesës së Kamzës konsiderohet si “zonë e nxehtë” sa i përket trafikimit të emigrantëve të paligjshëm. Aty kryesisht bëhet grumbullimi i personave që kanë si destinacion veriun e Shqipërisë, me destinacion final vendet e BE-së.
Discussion about this post