Mbrëmjen e sotme rreth orës 21:00, janë dëgjuar të shtëna me armë jarri në Prishtinë të Kosovës, ku si pasojë është plagosur një person. Sipas Policisë së Kosovës, bëhet e ditur se është arrestuar i dyshuari i kësaj ngjarje, ndërsa në cilësinë e provës materiale është sekuestruar një pistoletë.
“Sot rreth orës 21:00 është raportuar për të shtëna me armë zjarri në rrugën ‘George Bush’, në Prishtinë. Pas marrjes së informatës, në vendin e ngjarjes kanë dalë njësitet relevante policore, të cilat menjëherë kanë arritur të identifikojnë dhe arrestojnë personin e dyshuar” – ka thënë Ahmeti.
Sipas saj, personit të dyshuar I.I., mashkull 33 vjeç, i është gjetur dhe sekuestruar një armë zjarri.
“Bazuar në të dhënat fillestare, në këtë rast një person është lënduar, dyshohet nga arma e zjarrit” – ka thënë zëdhënësja Ahmeti.
Ahmeti gjithashtu ka thënë se aktualisht Policia ka nisur një hetim për sqarimin e të gjitha rrethanave që lidhen me rastin.
Discussion about this post