Të shtëna me armë zjarri janë regjistruar mëngjesin e sotëm në fshatin Babicë të Vlorës, ndërsa mësohet se është qëlluar për vdekje një person.
Sipas njoftimit të policisë, viktima është një 25-vjeçar, i cili është është gjetur i vrarë brenda makinës së tij rreth orës 07:35, në aksin rrugor Vlorë-Babicë.
Qytetarët të cilët ishin kalimtarë në zonën e Babicës konstatuan trupin e pajetë të 25-vjeçarin brenda makinës, mirëpo nuk e menduan se ai ishte i vrarë. Ishin disa persona të tjerë që lajmëruan policinë, duke thënë se i riu është pa shenja jete brenda makinës.
Mësohet se, ai kishte disa orë që qëndronte brenda mjetit pa shenja jete. Policia raporton se i riu mund të jetë vrarë pa dashje nga përdorimi i armës, mirëpo nuk anashkalohet që të jetë dhe vrasje e qëllimshme.
Ende nuk dihen rrethanat e krimit të rëndë apo identiteti i viktimës, por policia pritet të japë detaje më të hollësishme në vijim.
