Një person ka mbetur i plagosur me armë zjarri këtë pasdite, në lagjen “Salo Halili”, në Shkodër.
Sipas policisë, Jaser Osmani, 24 vjeç, është konfliktuar me një tjetër person dhe në vazhdën e sherrit është qëlluar me armë. I riu është qëlluar në këmbë dhe raportohet se po merr mjekim në spitalin rajonal. Gjendja e tij vlerësohet jashtë rrezikut për jetën nga bluzat e bardha
Sipas të njëjtave burime, mes palëve, konflikti ishte i çastit, ndërsa autori identifikuar si G. M., 46 vjeç, është shpallur në kërkim.
“Rreth orës 16:00, në lagjen Salo Halili, dyshohet se gjatë një konflikti të çastit është plagosur në kofshë me armë zjarri pistoletë shtetasi J.O., 24 vjeç, i cili po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën. Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit. Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit”, njoftoi policia.
Discussion about this post