Identifikohet dhe shpallet në kërkim autori i dyshuar për ngjarjen që ndodhi mesditën e sotme në afërsi të Universitetit “Aleksandër Xhuvani” në Elbasan.
Një 59 vjeçar dyshohet se ka qëlluar dy herë në ajër me armë zjarri pasi u konfliktua për motive të dobëta me një 42 vjeçar nga Elbasani.
Grupi hetimor, gjatë kqyrjes së vendit të ngjarjes ka gjetur dhe sekuestruar në cilësinë e provës materiale dy gëzhoja armë zjarri pistoletë, model 54. Nga të shtënat me armë nuk pati të lënduar.
