Një nga dy viktimat e të shtënave në Londrën jugore është dhe reperi Drill Perm. Gjithashtu u shkaktua dhe një aksident fatal, ku dy makina po lëviznin me shpejtësi të madhe kur njëra goditi një motoçikletë dhe një numër mjetesh të parkuara në Brixton, tha Policia Metropolitane.
Një i ri ishte rreth të 20-tave, doli nga makina e përplasur dhe u ndoq dhe u qëllua për vdekje nga një person i armatosur nga makina e dytë, e cila më pas u largua. I riu vdiq në vendngjarje në Railton Road.
Drejtuesi i motoçikletës, i cili thuhet se ishte një punonjës i Deliveroo-s, po ashtu rreth të 20-ave, vdiq si pasojë e plagëve të marra. Policia tha se nuk ka asgjë që tregon se ai ishte një objektiv.
Dean Whyte, babai i Perm dhe një promovues i boksit, postoi në Instagram: “Rip djalin tim, babi të do”.
Boksieri i peshave të rënda Dillian Ëhyte, një mik i ngushtë i Dean Whyte i cili është promovuar prej tij, ndau homazin.Deliveroo tha: “Ky është një incident tepër tragjik dhe zemrat tona janë me miqtë dhe familjen e atyre që kanë humbur jetën”.
“Ne jemi të tronditur dhe të pikëlluar që ngjarje të tilla të tmerrshme mund të ndodhin në një nga komunitetet tona lokale dhe ne kemi ofruar të mbështesim policinë sado që të mundemi.”
Policia thotë se nuk ka të arrestuar, por hetimet vazhdojnë.
Kryeinspektori Colin Wingrove tha: “E di që ndaj ndjenjat e të gjithë komunitetit kur them se jam i tronditur dhe i pikëlluar nga ky incident”.
“Unë e njoh shqetësimin që do të ketë shkaktuar në nivel lokal dhe në komunitetin e gjerë, dhe ne tashmë po punojmë ngushtë me partnerët tanë për të siguruar siguri dhe mbështetje për banorët dhe të tjerët që janë prekur.”
Discussion about this post