Ministri i Jashtëm Igli Hasani ka reaguar pas sulmit masiv me raketa të Hamas në Izrael.
Përmes një postimi në platformën X, Hasani shprehet se Shqipëria dënon ashpër sulmin kundër Izraelit dhe qëndron e vendosur kundër terrorizmit.
“Shqipëria dënon ashpër sulmin e mëngjesit të sotëm nga Hamasi kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, shprehet Hasani.
Ndërkohë, ministria e Jashtme thotë se deri më tani nuk raportohet për asnjë shqiptar të lënduar. Për çdo rast, shqiptarët mund të kontaktojnë me Ambasadën Shqiptare në Izrael në numrin:+972 54-4806601
Mediat izraelite thonë se rreth 200 persona janë plagosur dhe gjashtë janë vrarë nga sulmet e Gazës.
Sirenat e alarmit ranë mëngjesin e sotëm në qytete të ndryshme të Izraelit.
Ushtria izraelite u bëri thirrje banorëve të pjesëve jugore dhe qendrore të vendit të qëndrojnë në zonat e mbrojtura dhe thirrën rezervistët.
Discussion about this post