“Teatri i Ëndrrave” një dështim për Ronaldon, The Sun: CR7 firmos divorcin

Mungesa e Cristiano Ronaldos në derbin e Manchesterit, ku United u mposht nga City 1-4, ka ngritur shumë dyshime për të ardhmen e tij.

Siç duket rikthimi i CR7 në “Teatrin e Ëndrrave” nuk po shkon ashtu siç portugezi ka dëshiruar, ndërsa shpesh herë është vënë në qendër të kritikave.

Afrimi në pankinë i Ralf Rangnick e rëndoi edhe më shumë situatën, disa vendime të teknikut gjerman nuk janë pritur mirë nga CR7, e fundit ishte mos përfshirja e Ronaldos në formacionin titullar për sfidën kundër Man.City.

Ylli portugez nuk e priti mirë këtë vendim dhe nuk preferoi fare të qëndronte në Manchester por fluturoi drejtë Portugalisë për tu rikthyer në ishull vetëm të hënën.

Sipas “The Sun”, ky fakt ka vendosur përfundimisht të ardhmen e Ronaldos i cili në fund të sezonit do të largohet nga “Old Traford”. Kjo krisje, që është krijuar tek United, ka sjell një efekt domino edhe tek lojtarët e tjerë, lojtar si Marcus Rashford i cili në mundësinë e parë që do ti jep do të largohet menjëherë nga Man.United.