Pas largimit të Bledi Shkëmbit si trajner, te Teuta kanë zgjedhur “timonierin” e ri. Bëhet fjalë për një emër të njohur të kampionatit shqiptar, Edi Martinin.
Shkodrani ka pranuar të marrë drejtimin e “Djemve të Detit” dhe në ditët e ardhshme do të zyrtarizohet në krye të pankinës së Teutës.
Ai ishte në krye të durrsakëve deri në janar të këtij viti, për t’ia lënë më pas vendin Renato Arapit.
Tashmë shkodrani ka një detyrë të vështirë përpara.
Fillimisht i duhet të nxjerrë ekipin nga kriza që është futur duke u renditur në vendin e fundit me 8 pikë e më tej të realizojë objektivat sezonalë.
Kujtojmë që në krye të Djemve të Detit, Martini arriti të fitonte titullin kampion, Kupën dhe Superkupën e Shqipërisë.
Discussion about this post