Javier Tebas Medrano, presidenti i La Ligës, ka kritikuar ashpër Federico Valverden për goditjen me grusht në fytyrë ndaj Alex Baenas të Villarrealit.
Baena supozohej se i kishte thënë Valverdes, ‘Qaj tani që djali yt nuk do të lindë’, gjatë ndeshjes së Kupës së Mbretit mes dy ekipeve, me uruguaianin dhe partneren e tij në atë kohë në rrezik për të humbur fëmijën e tyre të palindur. 21-vjeçari e ka mohuar këtë koment.
Pas humbjes së Real Madridit ndaj Villarrealit gjatë fundjavës, Valverde e goditi Baenën në fytyrë teksa po hipte në autobusin e ekipit.
Me incidentin që ka dominuar titujt kryesorë në gazetat në Spanjë në ditët që pasuan, Tebas është shprehur se provokimi nuk është i barabartë me justifikim.
“Provokimi është një motiv, por asnjëherë një justifikim për diçka të tillë”, tha Tebas.
“Do të jetë Komisioni i Anti-Dhunës ai që duhet të vendosë sanksionet përkatëse. Është një veprim i dënueshëm.”
Valverde do të shmangë dënimin sportiv pasi Villarreal vendosi të mos raportonte incidentin në Federatën Mbretërore Spanjolle të Futbollit si dhe gjesti nuk u përfshi në raportin e arbitrit.
Megjithatë, vetë Baena e raportoi incidentin në polici mes pretendimeve të tij se ai dhe familja e tij kanë marrë një sërë kërcënimesh me vdekje që nga zbulimi i incidentit.
“Të shtunën e kaluar u sulmova nga një koleg profesionist pas ndeshjes kundër Real Madridit”, ka postuar Baena në rrjetet sociale, siç raportohet nga Marca.
“Pas ngjarjes, dolën në dritë disa deklarata që dyshohet se janë bërë nga shoqëruesit e tij, duke përfshirë edhe atë se unë i kam uruar dëm një të afërmi të tij.
“Që atëherë, nuk ka pasur asnjë provë të publikuar për të vërtetuar akuzat e bëra kundër meje.
“Për të justifikuar agresionin është përdorur një tragjedi dhe ka gënjeshtra që lëndojnë më shumë se goditjet.
“Dëmi që po i bëhet familjes sime është i pariparueshëm dhe i pajustifikueshëm: kërcënime, fyerje dhe madje edhe mesazhe private që i urojnë vdekje familjes sime.
“Dje e kam denoncuar rastin në polici. Lëreni drejtësinë të bëjë punën e saj. Objektivi im i vetëm tani është të fokusohem në profesionin tim dhe të ndihmoj klubin tim për të arritur objektivat e tij.’
Villarreal konfirmoi në një deklaratë të dielën mbrëma se policia tani do të përfshihet dhe kjo mund të lërë një rrugë të hapur për Komisionin Kundër Dhunës të Spanjës për t’u përfshirë.
Baena u kishte treguar gazetarëve vendas të dielën në mëngjes se çështja do të ndalohej pa marrë asnjë veprim të mëtejshëm. Por ai ndryshoi mendje dhe klubi i tij ka thënë se do ta mbështesë në vendimin e tij.
Në deklaratën e Villarrealit të lëshuar të dielën mbrëma thuhej: “Lojtari i Villarreal CF, Alex Baena u sulmua mbrëmë teksa po shkonte drejt autobusit të ekipit pas ndeshjes kundër Real Madrid CF në stadiumin Santiago Bernabeu. “Edhe një herë, Villarreal CF refuzon çdo akt dhune dhe beson fort në versionin e lojtarit të tij dhe do ta mbështesë atë gjatë gjithë këtij procesi”.
Gruaja e Valverdes, Mina Bonino, postoi një mesazh në Twitter duke adresuar komentin e supozuar të Baena.
Ajo shkroi: “A duhet të shpjegoj pse më thanë se shtatzënia ime nuk mund të vazhdonte?
Ne heshtëm për gati dy muaj duke pritur rezultatin për të ditur nëse mund të vazhdonim apo jo, duke pasur tashmë pesë muaj shtatzëni.
Tashmë kam kaluar mjaftueshëm që ata të vijnë dhe të më pyesin për shëndetin e djalit tim.
Pavarësisht gjithçkaje, nga thellësia e zemrës sime, nuk dëshiroj që askush të kalojë një situatë të ngjashme.
Fëmija i Valverde dhe Mina besohet të jetë i shëndetshëm, me Sun që raporton se ajo informoi ndjekësit në Instagram muajin e kaluar se ishte fëmija ishte ‘gjashtë muajsh’.
Çifti tashmë ka një djalë të quajtur Benicio, i lindur në shkurt 2020.
Discussion about this post