Tedi Blushi ishte sot pjesë e tryezës së zhvilluar nga kreu i PD Sali Berisha me aleatët. Pas përfundimit të mbledhjet ai ka thënë për mediat se objektivi kryesor i Partisë së Lirisë në zgjedhjet e 11 majit do të jetë rrëzimi i narkoregjimit që drejton sot vendin.
“Çdo forcë hyn në zgjedhje për të fituar, objektiv legjitim edhe për PL. Sipas sondazheve, edhe ju keni qeshur me to sepse të mos ishte fuqia elektorale e Metës dhe PL, ai nuk do të ishte sot i izoluar.
Objektivi kryesor i PL ka qenë rrëzimi dhe shembja nga themelet e narkoregjimit, kjo është e rëndësishme. Jam përfaqësues i forcës së tretë politike në vend dhe të dytë të opozitës. Objektivi është të tejkalojmë këtë rezultat.
Meta nga qelia do t’i prijë betejës në funksion të rrëzimit të narkoregjimit. Në bllok PL do të qendrojë kësaj beteje”, tha ai.
Discussion about this post