Irani i është kundërpërgjigjur Izraelit duke lëshuar 150 raketa në Tel Aviv. Shpërthime të forta u dëgjuan në të gjithë Izraelin qendror menjëherë pasi sirenat u aktivizuan në zonë. Mbrojtja e Shtetit të Izraelit (IDF po punon për të kapur dhjetëra raketa në qiellin mbi Izraelin qendror dhe i bën thirrje publikut që të qëndrojnë në dhoma të mbrojtura dhe të mos dalin. Në Tel Aviv dhe Jerusalem janë dëgjuar shpërthime shumë të fuqishme, pas nisjes së sulmit.
‘Publikut i kërkohet t’i bindet udhëzimeve të Komandës së Frontit të Brendshëm. Aktualisht, Forcat Ajrore po veprojnë për të kapur dhe sulmuar kudo që të jetë e nevojshme për të larguar kërcënimin. Mbrojtja nuk është hermetike dhe për këtë arsye është e nevojshme të vazhdohet të zbatohen udhëzimet e Komandës së Frontit të Brendshëm’, thuhet në njoftim.
Udhëheqësi iranian Ali Khamenei tha se Izraeli nuk do t’ia dalë mbanë nëse do të vijoi që të sulmojë.
“Izraeli nuk do të kryejë një sulm ‘godit dhe ik’. Izraeli është ai që e nisi luftën’, tha ai.
Nga ana tjetër, sulmi i Izraelit në Iran eliminoi zinxhirin e komandës ushtarake, me rreth 20 komandatë të vrarë e 7 shkenctarë bërthamorë. Mes të vrarëve, është edhe komandanti i Forcës elitare Quds të Gardës Revolucionare Islamike, Gjenerali Esmail Qaani. Të paktën 78 persona janë vrarë dhe 329 të tjerë janë plagosur në sulmet ajrore që goditën zonat e banuara në Teheran, sipas agjencisë iraniane të lajmeve Nournews.
Në sulmet e para, u eliminuan Komandanti i Përgjithshëm i Gardës Revolucionare Islamike, Hossein Salami; Komandanti i Shtabit Qendror të Khatam-al Anbiya, Gholamali Rashid; Shefi i Shtabit të Forcave të Armatosura të Iranit, Mohammad Bagheri, dhe dy shkencëtarët Fereydoon Abbasi dhe Mohammad Mahdi Tehranchi. Në sulmet e reja u vra edhe drejtuesi i Forcave Ajrore të Gardës, Amir Ali Hajizadeh.
Të paktën 6 baza u goditën rreth Teheranit, përfshirë bazën Parchin, një kompleks prodhimi raketash, ku dyshohet se në të kaluarën janë përfshirë edhe teste bërthamore. Avionët luftarakë izraelitë goditën centralin bërthamor Natanz, në jug të Teheranit, por edhe disa pozicione ushtarake të vendosura në periferi të kryeqytetit. Përveç Tabrizit, në veriperëndim ku ndodhen rafineritë kryesore, u sulmuan edhe qytetet e Esfahanit, Arakut dhe Kermanshahit. Sulme të reja u raportuan edhe në Kermanshah, në perëndim të vendit si edhe në centralin bërthamor të Natanzit, i goditur edhe më herët.
Izraeli shpalli gjendjen e jashtëzakonshme. Ka mbyllur hapësirën ajrore dhe të gjitha ambasadat në botë.
gijotina.com/
Discussion about this post