“Telenovela” e stadiumit dhe orarit, Tirana më në fund ndan mendjen, ja ku do të luhet sfida me Laçin

Stadiumi ku do të luhet përballja e javës së 7-të mes Tiranës dhe Laçit është kthyer në një “telenovelë”.

Kjo sfidë ishte programuar në fillim të luhej në “Selman Stërmasi” duke nisur që nga ora 15:00, teksa u raportua se ky duel do të luhej në të njëjtin stadium por në orën 17:45.

Më pas kjo ndeshje do të zhvendosej në “Air Albania” duke nisur nga ora 17:45, pasi lojtarët kundërshtonin për të luajtur në fushën e stadiumit “Selman Stërmasi”.

E kur gjithçka u duk që u zgjidh, përsëri vazhdon ndryshimi. Tani zyrtarisht përballja mes bardhebluve dhe kurbinasve do të luhet në “Selman Stërmasi” duke nisur që nga ora 15:00, siç ishte programuar në fillim, teksa këtë e ka konfirmuar skuadra e Laçit në postimin në rrjetet sociale.