Mbrëmjen e djeshme teksa ka zhvilluar një debat të ashpër me Donaldin, kundërdrejt të cilit hodhi akuza të rënda, si pushimi nga puna dhe mospagim, Einxhel ka thënë dhe se ka punuar tek RTV Ora.
Teksa në ato nota diskutimi me tone të larta, Donaldi pas ofendimeve që mori, i thotë moderatores meqenëse ai nuk është i njohur nga puna, të flasë ajo dhe të tregojë se çfarë ka arritur në jetë.
Aty moderatorja ka përmendur televizionin në fjalë, i cili ka reaguar duke e përgënjeshtruar këtë lajm.
RTV Ora beson se gjithçka është një ngatërresë e televizionit. Deklarata se marrëdhëniet e punës me të u shkëputën në pandemi nuk qëndrojnë aspak dhe kjo për faktin se Shkira nuk ka qenë në asnjë moment e angazhuar në këtë televizion.
“Ndoshta pa dashur Shkira mund të ketë dashur të përmendë ndonjë televizion tjetër, apo mund të ketë qenë e ftuar në emisione, por aspak në moderim, gazetare, asistente, teknike apo pjesë e stafit të rubrikave të tjera në RTV Ora. Me keqardhje për këtë deklaratë, por jemi të detyruar të bëjmë këtë sqarim kur Shkira deklaron se nuk është paguar për punën e bërë, pasi nuk ka bërë në fakt në RTV Ora asnjë punë. Pra me pak fjalë ka ngatërruar kekun me byrekun apo televizionin Ora me një tjetër televizion ku ka punuar”, shkruan ndër të tjerash RTV Ora.
Discussion about this post