Këshilltari për Çështjet Ekonomike në PD dhe njëkohësisht nënkryetari i Këshillit Bashkiak Tiranë ka reaguar mbi aksionin e nisur së fundmi për lirimin e trotuareve ao hapësirave publike të zaptuara nga bizneset, kryesisht lokalet.
Teliti ngriti shqetësimin se ligjshmëria në territor zbatohet në mënyrë të përzgjedhur dhe të vonuar, zakonisht vetëm pas zgjedhjeve, ndërkohë që gjatë fushatave të njëjtat objekte ishin në funksion të aktiviteteve politike të mazhorancës.
Ai vë në pah edhe rolin gjithnjë e më të centralizuar të kryeministrit në vendimmarrjen vendore, duke e cilësuar si një “kryebashkiak kombëtar”.
Nga njëra anë, po ta marrësh qeveria ka të drejtë, është bashkia në këtë rast. Nëse bashkitë janë bërë tashmë departamente pranë kryeministrisë dhe kryebashkiaku i gjthë Shqipërisë, dihet se kush është, pra është vetë kryeministri Edi Rama dhe gjithashtu po luan rolin e kryebashkiakut të Tiranës dhe Vlorës. Nesër do të luajë të Korçës, nesër të Fierit e kështu me radhë.
Normalisht duhet bërë ndërhyrja për të zbatuar ligjin. Problematika është sesi arritëm në këtë pikë ne. Nuk është një fenomen që na ndodh për herë të parë, është një fenomen dhe një ngjarje që çdo pas zgjedhje gjithmonë kujtohet qeveria për ligjshmërinë e territorit edhe thotë: E kam territorin nën kontroll apo jo?
Edhe ndodh që deri në atë datë, deri në datën e zgjedhjeve, e ka lënë atë në gjendje të lirë të bëjë çtë dojë. Po të hapi rrjetet sociale të kandidatëve të Partisë Socialiste në zgjedhje, shikoni që janë këto lokale që sot po prishen që bëheshin takimet prej tyre. Ishin po në këto lokale që lavdëronin biznesin, ku thoshin bravo bizneset kanë bërë investime”, u shpreh ai.
Discussion about this post