Ish-deputeti i Rilindjes Sadri Abazi ka bërë “një gol” të vërtetë me Autoritetin Rrugor Shqiptar, në kohën kur shqiptarët e kishin mendjen tek ndeshja e parë e ekipit kombëtar të futbollit në UEFA Nations League.
Institucioni i drejtuar nga Evis Berberi, i ka dhënë nipit të Sadri Abazit plot 17 miliardë lekë të vjetra përfshirë TVSH në tenderin e radhës. Ky tender, i bërë publik ditën e sotme, ka për objekt: Loti 2: Kontrata B “Mirëmbajtje me performancë e akseve kryesore të Rajonit Qendror dhe Verilindor”.
Fitues është shpallur bashkimi i kompanive BOE “ALKO-IMPEX General Construction” dhe “ALKO IMPEX CONSTRUCTION”. Ky bashkim firmash është shpallur fitues të tenderit për një vlerë prej rreth 17 miliardë lekë të vjetra me TVSH ose 1,417,993,187 lekë të reja pa TVSH. Shikohet mjaft qartë që kjo vlerë është gati e njëjtë me fondin limit të këtij tenderi. Madje për të qenë më të saktë, rezulton se vlera e ofruar nga nipi i Sabri Abazit është sa 99.99% e fondit limit. Nuk dihet ndërkaq se çfarë pret ndërkohë SPAK për të filluar ndonjë hetim.
Discussion about this post