Bashkia e Tiranës nuk di të ndalet duke shpërdorur taksat e qytetarëve me procedura miliona lekëshe për punë që mund të kushtojnë me shume më pak lekë dhe në shkelje të rregullave të prokurimit. Këtë radhë, Bashkia e drejtuar nga Erion Veliaj ka hapur një tender përmes Drejtorisë së Përgjithshme të Pastrimit dhe Gjelbërimit në Tiranë, për mirëmbajtjen dhe riparimin e koshave dhe stolave dekorative.
Tenderi mban numrin e referencës REF-17769-01-25-2022 dhe ka fondin limit prej 29.370.136 lekë të reja, ose rreth 294 milionë lekë të vjetra. Pra, për të rregulluar disa kosha plehrash dhe stola publik, Veliajt i duhen 294 milionë lekë, shumë e cila me shumë mundësi mund të tepronte që të rregullojë koshat dhe stolat e të gjitha bashkive të vendit dhe jo vetëm të Tiranës. Por edhe nëse do ta besojmë që këto lekë do të shkojnë të gjitha për kosha e stola, mënyra se si është zhvilluar prokurimi ngre dyshime të tjera.
Në këtë procedurë ka marrë pjesë në garë vetëm një kompani, “GERARD-A SHPK”, e cila duke mos pasur asnjë konkurrent tjetër, është shpallur fitues. Pra, Bashkia Tiranë jep 294 milionë lekë duke mos respektuara parimin e konkurrencës. Për këtë, ky tender është futur në kategorinë e flamurit të kuq nga “Open Data” me mbishkrimin e mungesës së konkurrencës.
Siç e kemi thënë edhe herët e tjera, kjo mënyrë prokurimi hedh dyshime se fituesi është i paracaktuar. Edhe në këtë tender siç duket Lali Eri ka menduar që të ndajë ca lekë të tjera me miqtë e tij, ndaj i ka vënë një fond limit stratosferik dhe prokurimin e bën pa garë. Derisa Autoriteti i Konkurrencës t’i kapë këto shkelje, të shpresojmë që Veliaj të ketë dorën më të lehtë në procedurat e ardhshme.
Gijotina.com
Discussion about this post