Tender për rehatinë e Blendi Gonxhes, 310 MLN lekë për karrige me rrota dhe komodina, denoncohet në KPP

GonxheKështu paska përfunduar në KPP tenderi për rinovimin e zyrave të tij.

Është fjala për tenderin me objekt ‘Blerje orendi dhe pajisje’ me vlerë 245 milionë lekë do të shkojnë për mobilie në ministrinë e Gonxhes, 24 milionë lekë tek Agjencia e Inteligjencës Financiare, Ministria Financave

dhe 40 milionë lekë tek Agjencia e Inovacionit dhe Ekselencës, Ministria e Ekonomisë, Kulturës dhe Inovacionit (prapë tek Gonxhe).

Ju do mendoni, duke qenë se do të bëhen shpenzime për këto agjenci do të blihen pajisje për zhvillimin e inovacionit.

Në fakt, i gjithë ky fond do të shkojë për blerjen e karrigeve rrotulluese sipas kërkesave specifike të Gonxhes, për varëse rrobash, komodina dhe rafte.

E dukshme që pjesa më e madhe do të shkojë për zyrën e ministrit Gonxhe.

Ky tender luksi ishte planifikuar që të mbyllej qysh në muajin nëntor, por nuk u realizua pasi u denoncua në KPP.

Ishte firma “Klame” SHPK e cila ka bërë denoncimin në fillim të nëntorit, ku shprehej se kriteret e vendosura në këtë tender nga Operatori i Blerjeve të Përqendruare nuk përputheshin me njeri-tjetrin dhe mbi të gjithë janë diskriminuese për operatorët që duan të marrin pjesë.

Më datë 26 nëntor 2024, KPP pranoi ankesën duke aprovuar se tenderi ka parregullsi dhe prandaj asaj kohe i kërkoi Gonxhes që të bëjë rishikimet në dokumente si dhe urdhëroi që firmës në fjalë t’i kthehej tarifa financiare e paguar.

Por Operatori i Gonxhes nuk është dorëzuar, me qëllim që viti i ri të nisë me mobilje të reja, me poltronin prej lëkure ku ministri do të rrotullohet e çlodhet gjatë orarit të punës.

Kështu me datë 27 nëntor 2024, Operatori i Blerjeve të Përqendruara në varësi të Blendi Gonxhes ka dërguar njoftimin se i ka bërë ndryshimet e kërkuara nga KPP dhe kërkon që të vazhdojë me procedurat. KPP ia ka pranuar këtë raport dhe po e lejon të vazhdojë me zhvillimin e tenderit të luksit.

Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.