Në vitin që lamë pas vendi ynë kaloi krizë financiare, por bashkitë sërish kanë gjetur vendin për të miratuar me dhjetëra tenderë, ku një pjesë e tyre ishin problematik dhe në shkelje të ligjit. Të gjitha bashkitë kanë zhvilluara tenderë të tillë, duke vjedhur kështu para nga buxheti i shtetit, por më problematike qëndrojnë Tirana dhe Durrësi. Në raportin e publikuar nga “Open Data Albania” thuhet se, Bashkia Tiranë ka 3 procedura kontraktimi të mbajtura në 2021, me vlera mbi 100 milion lekë dhe me risk për parregullsi dhe tenderë që janë falur për miqtë e kryebashkiakut. Vlera e fondit limit për të tre këto tenderë është gati 300 milionë lekë. Sakaq, duhet të theksojmë se në këtë artikull janë renditur vetëm tenderët me vlera më të larta, pasi secila nga bashkitë regjistrojnë numër më të lartë tenderësh abuziv.
Sipas të dhënave, bëhet fjalë për tenderin me titull “Shtesa e Impiantit të përpunimit të ujit të pijshëm Bovillë 1800l/s faza e 2 me 1200l/s. është procedura, që shënoi vlerë fondi limit 1. 762. 144. 843 Lekë. Kjo procedurë është fituar duke skualifikuar operatorin me ofertë më të ulët. Po bashkia Tiranë ka edhe dy tenderime të tjera me risk si tenderi për “Shtesa e Kontratës Rikonceptimi i Kopshtit Zoologjik” vlerë fond limit 105. 311. 644 lekë dhe “Blerje Kimikate për UKT” me vlerë 165. 78. 500. lekë.
Bashkia Durrës
Bashkia Durrës është po aq problematike sa ajo e Tiranës, e cila gjithashtu regjistron 3 tenderë në shkelje të ligji, të cilat kanë gllabëruar miliarda lekë nga fondi i bashkisë. Kjo bashki paraqitet problematike për shkak të dhënies pa garë tenderin me vlerë 1. 148. 864 000 lekë me objekt “Depozitimi i Mbetjeve Urbane Bashkia Durrës. Kjo procedurë u mbajt në muajin Shtator 2021, dhe fituesi është Integrated Ebergy BV SPV.
Po bashkia Durrës shënon edhe dy tender të tjerë po me vlerë mbi 100 milion lekë të mbajtur gjatë vitit 2021 dhe që kanë risk të lartë për parregullsi, abuzime dhe korrupsion. Konkretisht është tenderi për Ndërtimin e rrjetit K. U. Z të fshatit Shënavlash Bashkia Durrës me vlerë fondi limit 364. 498 645 Lekë. ky tender u bë me garë të hapur, por gjatë vlerësimit u s’kualifikua ofertuesi me vlerë më të ulët. Tenderi u fitua nga bashkimi i operatorëve EdiCom shpk dhe 2T shpk. Po në Bashkinë Durrës gjatë vitit 2021 është zhvilluar pa garë dhe kap vlerë 109. 199. 733 lekë, i fituar nga Kastrati shpk.
Bashkitë e tjera
Sakaq, bashkia e tretë problematike renditet ajo e Pogradecit me 2 tendera që kanë shkulur hapur ligjin për prokurimet, për të cilët kanë shkuar dëm prej 900 milionë lekësh. Skandali me tenderët thellohet, kur një bashki e vogël si Poliçani shënon tender me vlerë të fondit limit prej 700. 000. 000 për furnizimin me ujë i fshatrave Vertop, Bregas, Fushe-Peshtan dhe Vodice, Bashkia Poliçan” dhe me shënimin me “red flag” si tender me risk për parregullsi, pasi është shpallur fituesi pa u zhvilluar një garë e mirëfilltë.
Ndërkohë, Elbasani ka gjithashtu tenderë të tillë, konkretisht atë me titull Kryerja e shërbimit të pastrimit në qytetin e Elbasanit dhe Blerje makineri pajisje për UK. Për tender me të njëjtin objekt bashkia Roskovec ka harxhuar miliona dollarë. Njësoj edhe bashkia e Dropullit ka dhënë tender problematik me të njëjtin objekt, i cili kap shifrat 1 miliardë lekë. Pra, nga këto të dhënat tregohet qartë se si bashkitë i keqpërdorin paratë që duhet t’i investojnë tek qytetarët dhe në fund ankohen se nuk kanë mjaftueshëm fonde.
Discussion about this post