Drejtoria e Përgjithshme e Arkivave është denoncuar nga një kompani për manipulimin e qëllimshëm të kritereve me qëllim që të skualifikojë konkurrentët.
Paratë e ndara me tenderin me vlerë rreth 800 milion lekë do të shkojnë në dorën e kompanisë Kristalina shpk, për “Blerje kuti dhe dosje për ruajtje të përhershme”.
Skandali qëndron për faktin se operatorët e tjerë të cilët sipas ligjit të prokurimit duhet të ishin në garë, janë skualifikuar pa të drejtë pasi arkivi ka shtyrë tre herë tenderin. Pra logjikisht, arkivi ka shkelur një nga parimet kryesore të garës, transparenca dhe paanshmëria.
Rreth 800 milionë lekë do të zbrazen nga arka e shtetit për kuti kartoni, makineri shtypi e letra, vetëm për të fituar kompania e privilegjuar. Operatori ekonomik i përjashtuar pa të drejtë nga gara, Dynamic X Group Sh.p.k ka denoncuar rastin pranë KPP duke pretenduar se argumentet për skualifikimin nuk janë bërë sipas ligjit.
Kompania Kristalina SH.P.K, në bazë të denoncimit, është shpallur fituese me dokumente jo të rregullta.
Në dokumentin e siguruar nga Gijotina.com., një nga shkeljet që ka nxjerrë pa të drejtë nga lista e konkurrimit firmën në fjalë është se specifikimet teknike nuk janë korrekte sipas ligjit të prokurimeve. Po ashtu, skicat që janë në dokumente nuk janë të qarta, përmasat e tyre janë bashkuar dhe nuk shihen shifrat; nuk është përcaktuar numri i ondulateve të kartonit dhe shtresave të tyre si dhe nuk ka makineri shtypi me përmasat e duhura.
Tenderi me vlerën shumë të madhe ka si objekt kutitë kartonit, a thua se arkivi kishte mbetur pa kuti dhe tashmë duhet shpëtuar me këtë fond. Tenderi është i çuditshëm edhe për faktin se arkivat po shkojnë drejt dixhitalizmit, ndërsa paratë drejtohen për kuti kartoni!
Discussion about this post