Janë agravuar debatet mes mazhorancës dhe opozitës në Komisionin Hetimor për Inceneratorët. Deputetit të Partisë Socialiste, Besian Ajazi, kundërshtoi mundësin e dëshmisë për dy gazetarë të thirrur në Komision. Ajazi akuzoi Tabakun për moszbatimin e rregullores dhe kodit të procedurës penale në komision.
Deputeti theksoi se marrja në pyetje e gazetarit Artan Rama është në kundërshtim me nenin 156. Ajazi e kërcënoi Tabakun, që të mos e detyrojë maxhorancën të marra masa për shkarkimin e saj nga drejtimi i komisionit.
“Besoj edhe nga përgjigja e kolegut Rama, jeni të qartë se Artani është papajtueshmëri në Statusin e Dëshmitarit, e thotë ligji, Neni 156, germa Ç. Nuk është e udhës që të vazhdojmë në shkelje të rregullores, të ligjit. Madje zonja kryetare u bë e disata herë që unë personalisht, por edhe kolegë të tjerë të maxhorancës jemi ndjerë nën drejtimin tuaj të komisionit joligjor, jo në bazë të rregullores. Dhe mos na detyroni ta çojmë komisionin në ato ullira që nuk shkojnë që të kërkojmë edhe shkarkimin tuaj si kryetare e komisionit sepse jeni në shkelje të komisionit, rregullores, ligjit dhe Kodit të Procedurës”, tha ai.
Nga ana e saj Tabaku tha se në të vërtetë ata kanë shkelur ligjin me katër këmbët për inceneratorët dhe tashmë po pengojnë zbardhjen e të vërtetës. Ajo i tha Ajazit se ai po mbron kështu hapur kriminelët.
Discussion about this post