Kryeministri Edi Rama dhe Presidentja e Komisionit Europian, Ursula Von der Leyen, u pyetën në konferencën e përbashkët për mediat, në vigjilje të Samitit të Procesit të Berlinit, nëse do të trajtohej edhe çështja e tensioneve mes Serbisë dhe Kosovës.
Kryeministri Edi Rama tha se Samite të tilla nuk janë për të zgjidhur çështje bilaterale mes vendeve, ndërsa shtoi se problemet duhet të zgjidhen nën ombrellën e BE-së.
Presidentja e KE-së u shpreh se dy vendet duhet të ulen në tryezën e dialogut ndërmjetësuar nga BE.
Pjesë nga konferenca:
Pas situatës së fundit në Kosovë, çfarë prisni të ndodhë me marrëveshjen e Ohrit?
Ursula Von der Leyen: Marrëveshja e Ohrit është ato që u arritën në shkurt dhe mars, baza për pajtimin përmes dialogut të BE. Është me rëndësi që Kosova dhe Serbia të kthehet në tryezë për normalizimin e marrëdhënies. Kjo është rruga e duhur për të ardhmen sepse Kosova dhe Serbia do jenë pjesë e BE.
A prisni zhvillime të reja mes Kosovës dhe Serbisë, për shkak se pas 24 shtatorit, kjo do të jetë tryeza e parë ku do jenë të pranishëm dy kryeministrat e këtyre dy shteteve?
Edi Rama: Procesi i Berlinit lidhet me nxitjen e vazhdueshme të të gjitha vendeve të rajonit drejt 4 lirive të BE, lëvizjes së njerëzve, mallrave, kapitaleve dhe shërbimeve. Tipikisht ky proces nuk është vendi për zgjidhjen e çështjeve bilaterale. Por në programin e Samitit, dreka e punë se liderave, do t’i kushtohet edhe marrëdhënieve fqinjësore në rajon. Hapësira për diskutim mes të pranishmëve, është e programuar, por nuk është një Samit i cili merr përsipër të gjejë zgjidhje për probleme, që janë probleme që trajnohen dhe zgjidhen nën ombrellën e BE.
Discussion about this post