Tensionet në Kosovë, Klinton: Të ndalet marrëzia, njerëzit në veri duan qeverisje të denjë

Ish-presidenti amerikan Bill Clinton ka dhënë një mesazh për situatën e tensionuar në Veri të Kosovës.

Clinton bëri thirrje për të ndaluar këtë marrëzi, duke theksuar se ka njerëz që jetojnë aty dhe ata kanë nevojë për një qeverisje të denjë.

“Duhet ta ndalim këtë marrëzi. Çfarë çështje e madhe politike mund të avancohet duke pasur tension? Ka njerëz që jetojnë aty. Kanë nevojë të kenë një qeverisje te denjë. Qytetarët duhet të votojnë gjithmonë.

Unë isha dy muaj më parë në Mbretërinë e Bashkuar duke kremtuar 25-vjetorin e të premtes së zezë. Ata kanë një problem që në Irlandën e Veriut kishte më shumë protestantë që donin të mbeteshin pjesë e Mbretërisë së Bashkuar. Ndaj të gjitha gjërat e tjera që kishin për zemër gjetën një mënyrë për të krijuar një forum që njerëzit të ndiheshin se kishin të drejtën e qytetarisë.

Nëse mendoni për këto katër qyteza, shumë larg nga çdo laborator shkencor ku modelohet sjellja përçarëse që e ngjit botën sot sepse ka njerëz që predikojnë dominancën. Shpresoj që Shqipëria do të jetë në gjendje t’i tregojë botës si duket një e ardhme gjithëpërfshirëse. Do doja që e gjithë bota të shihte videon e këtyre fëmijëve. Nuk dua që të nënvlerësoni kurrë fuqinë e shembullit tuaj”, deklaroi ai.