Tensionet në Kuvend, ndërpritet sërish seanca plenare

Situatë e tensionuar në parlament teksa seanca plenare është ndërprerë sërish për të dytën herë në pak minuta.

Ishte deputeti demokrat Flamur Noka i cili nisi ti frynte një bilbili teksa fliste deputeti socialist Tonin Gogu.

Kryeparlamentarja Nikolla njoftoi ndërprerjen e seancës.

Debatet

Flamur Noka: Më jep fjalën moj.

Lindita Nikolla: Të të vijë turp zoti Noka për sjelljen. Të tërheq vëmendjen.

Toni Gogu: Ky zotëria që i bie bilbilit bëri sikur mbajti zi për viktimat e tërmetit. Shpirtrat e shqiptarëve e kuptojnë ç’do të thotë tërmet, vetëm ky nuk e kupton se është burrë i frustruar nga drejtësia. Po i vjen ora e drejtësisë prandaj bën kështu. Fjalën nuk ma ke dhënë ti, shko ulu atje. Këtu ka burra të frustruar nga drejtësia.

Nikolla: Po më detyroni të marr masa zoti Noka

Noka: Vazhdo me masat ti…Tërmeti McGonigal.

Toni Gogu: Ky zotëria kur binte tërmeti ishte duke mallkuar zjarrfikët dhe njerëzit që shpëtonin jetë.

Nikolla: Kërkoj 5 minuta pushim dhe ju lutem thirrni arsyes.