Nënkryetari i LSI Petrit Vasili ka reaguar në lidhje me protestën që u zhvillua sot nga banorët e Rinasit. Së pari Vasili e quan të patolerushme dhe absurde dhunën që efektivët ushtruan ndaj qytetarëve që po protestonin paqësisht. Sipas tij, gjithçka pamë sot ndodhi me urdhër të Ramës, i cili kërkon të izolojë veriun e vendit dhe po dhunon barbarisht protestuesit, që kërkojnë të drejtat e tyre. Vasili thotë se këto veprime tregojnë çmendurinë e radhës nga Rama.
“Çmendet Rama bllokon rrugën e Rinasit! Policia dhunon banoret shtazërisht! Çfarë qeverie e çmendur dhe e kriminalizuar! Bllokojnë Rrugën për Aeroport dhe e bëjnë me një kalim duke dëmtuar mijëra e mijëra qytetare. Ndajnë Shqipërinë ne mes. Rama dhe qeveria izolojnë Veriun si te paafte dhe si degraduar që janë! Kushdo qe vjen nga Veriu duhet te beje dhjetëra kilometra me shumë për shkak te psikopative te Edi Rames!”, shkruan Vasili. Sakaq, kujtojmë se protesta sot u shoqërua me tensione pasi protestuesit bllokuan për disa minuta rrugën dhe policia ndërhyri për shpërndarjen e tyre.
Discussion about this post