Deputeti i Partisë Demokratike Agron Gjekmarkaj “propozon” që kreu i selisë blu, Lulzim Basha të ndërtojë një projekt të ri. I ftuar në emisionin “Real Story” Gjekmarkaj ndër të tjera shtoi se për të krijuar këtë projekt të ri duhet të gjykohet e shkuara duke nxjerrë në pah arritjet dhe problemet, gabimet e qeverisë së Berishës.
“Unë kam patur dhe kam respekt për Berishën. Unë e kam mbështetur dhe votuar atë. Ka ardhur një moment pas 30 vitesh që PD të ndërtojë një projekt të ri. Për ta bërë këtë do një gjykim nga e shkuara. Berisha po e akuzon Bashën për pazare me Ramën. Berisha ka bërë mbi 10 marrëveshje me socialistët. Basha duhet të ketë kurajo që të pranojë gabimet e qeverisë së Partisë Demokratike. Nëse do të dalim me një projekt të ri duhet të thotë që kjo është merita e Berishës dhe këto janë problemet.
Sipas tij sot Berisha po sillet sikur do të rimarrë sërish pronën e tij, Partinë Demokratike.
