Deputeti i Partisë Demokratike, Ervin Salianji në një intervistë për mediat, ka përforcuar akuzat e Bashës duke thënë se rreth 30% e karburantit në vendin tonë futet kontrabandë duke iu shmangur taksave.
Ai u shpreh se nafta kontrabandë futet nga Kastrati, që është edhe kompania që kontrollon pjesën më të madhe të tregut.
“Basha i tha Ramës, se 30% e naftës vjen kontrabandë. Kastrati është një kompani që kontrollon pjesën më të madhe të tregut. Të dhënat që ka opozita sot, janë të tilla. Nuk pati reagim nga qeveria. Kryeministri qesharak nuk dha asnjë shpjegim. Nëse Basha vendos gjoba, pse qeveria që kontrollon drejtësinë nuk reagon. Është rritur çmimi i naftës, paratë shkojnë tek oligarkët. Të përcaktojmë termat se çfarë është oligarkia. Ndikim në vendimmarrje të qeverisë” – tha Salianji.
Kujtojmë se ditën e sotme kryetari i Partisë Demokratike, Lulzim Basha ka folur me emra për oligarkët në vend, duke përmendur emra si Shefqet Kastrati dhe Zamir Mane.
