Sekretari i Përgjithshëm i PD, Gazment Bardhi bën me dije se ditën e enjte, datë 23 Dhjetor 2021, ora 17:30 do të mblidhet Këshilli Kombëtar. Në një letër drejtuar anëtarëve, sekretari iu kërkon të përgatiten sipas agjendës së paralajmëruar. Mbledhja zhvillohet në kohën kur pala tjetër e drejtuar nga ish-kryeministri Sali Berisha vazhdon të dhunojë selinë blu.
“Në vijim të njoftimit të bërë në mbledhjen e Këshillit Kombëtar të datës 12 Dhjetor 2021, pas vendimit të Kryesisë së Partisë, ju njoftojmë se mbledhja e radhës e Këshillit Kombëtar do të zhvillohet ditën e enjte, datë 23 Dhjetor 2021, ora 17:30 në sallën e mbledhjeve kati i 2, sipas rendit të ditës të njoftuar në mbledhjen pararendëse”, komunikon Bardhi.
Mbledhja e Këshillit Kombëtar e thirrur nga Sekretari i Përgjithshëm, Gazment Bardhi është e para pas zhvillimit të Kuvendit të jashtëzakonshëm që organizoi PD nën drejtimin e Lulzim Bashës.
gijotina.com/
Discussion about this post