Presidenti i Serbisë, Aleksandër Vuçiç i cili sonte pritet të mbajë një miting në Serbi, ka dhënë urdhër që Forcat e Armatosura të Serbisë të vihen në gjendje gatishmërie për shkak të ngjarjeve në Veri të Kosovës.
“Presidenti i Serbisë Aleksandër Vuçiç ka lëshuar sot një urdhër për ngritjen e gatishmërisë luftarake të Forcave të Armatosura të Serbisë në nivelin më të lartë” raporton agjencia serbe e lajmeve Tanjug.
“Presidenti dhe komandanti i përgjithshëm Vuçiç ka nënshkruar një urdhër për ngritjen e gatishmërisë luftarake të njësive të Ushtrisë Serbe në nivelin më të lartë, dhe ka urdhëruar që të lëvizin menjëherë në drejtim të vijës administrative me Kosovën dhe Metohinë” – shkruan agjencia serbe.
Për këtë ka folur edhe Ministri serb i Mbrojtjes.
“Presidenti i Serbisë, Aleksandër Vuçiç, pak para orës 14:00 i lëshoi një urdhër ushtrisë, për ngritjen e gatishmërisë luftarake në nivelin më të lartë, dhe që nga ai moment Ushtria filloi aktivitetet e saj”,- tha ministri i Mbrojtjes, Milosh Vuçeviç.
“Është urdhëruar një lëvizje urgjente drejt vijës administrative me Kosovën”, shtoi Vuçeviç.
Discussion about this post