Tensionet në Veriun e Kosovës, kërkohet dorëheqja e Borrell: Stop forcimit të autokratëve

Tensionet në Veriun e Kosovës dhe mënyra sesi Bashkimi Europian po reagon duket se kanë shkaktuar përplasje mes zyrtarëve të Unionit.

Këshilltarja lokale e Bashkimit Evropian, Kati Schneeberger, i ka kërkuar dorëheqjen Përfaqësuesit të Lartë të BE-së për politikë të Jashtme, Josep Borrell për situatën e tensionuar mes Kosovës e Serbisë.

‘Zoti @JosepBorrellF

Dorëhiquni para se të bëni më shumë dëm. Ju jeni një rrezik për demokracinë dhe paqen në Evropë. Ne kemi nevojë për njerëz të guximshëm që mbrojnë demokracinë tonë, jo forcojnë autokratët. Mirupafshim Josep, Evropa duhet të qëndrojë me #Kosovën dhe të mbrojë demokracinë tonë’, ka shkruar ajo.