Tre ditë para zgjedhjeve lokale, Policia arrestoi Fredi Belerin, kandidatin e koalicionit “Bashkë Fitojmë” për Bashkinë e Himarës.
Nga momenti i arrestimit dhe deri më sot, Beleri ndodhet në burg me akuzën e blerjes së votave për tu shpallur fitues i zgjedhjeve.
Beleri fitoi Bashkinë e Himarës, vendim që u shpall zyrtarisht nga KQZ dhe u certifikua nga Gjykata, por ai nuk ka bërë betimin para Këshilli Bashkiak dhe si rrjedhojë nuk mund të marrë detyrën zyrtarisht.
Të gjitha kërkesat e Belerit për tu liruar nga qelia janë rrëzuar ose refuzuar nga gjykata, ndërkohë që kjo çështje krijoi tensione mes Athinës dhe Tiranës.
Por sot, Kryeministri Edi Rama takoi në Tiranë, ministrin e Jashtëm grek, Giorgos Gerapetritis.
Gerapetritis ndodhet në Tiranë në kuadër të samitit të ministrave të Jashtëm të Ballkanit Perëndimor. Lajmi është bërë i ditur nga vetë kryeministri Rama nëpërmjet një postimi në rrjetin social Facebook.
“Takim me Ministrin e jashtëm grek, Giorgos Gerapetritis”, shkruan Rama, teksa ka ndarë edhe një foto nga takimi.
Nuk dihet nëse në takimin me ministrin e Jashtëm grek dhe Ramës është prekur është çështja Beleri, e cila prej 3 muajsh mban të tensionuara raportet mes dy qeverive.
Discussion about this post