Pavarësisht rezistencës se banorëve IKMT ka nisur shembjet te “5Maji”, fakt i cili ka revoltuar edhe më shumë banorët, të cilët kanë filluar të gjuajnë me gurë policët dhe t’u vënë flakën barishteve aty pranë.
Policia ka dal me një njoftim ku shprehet se janë dëmtuar në detyrë 5 punonjëse të Policisë së Shtetit dhe 3 punonjës të Policisë Bashkiake.
Sipas Policisë së Shtetit, efektivët kanë marrë dëmtime nga sende të forta dhe lëndë djegëse dhe ndodhen në Spitalin e Traumës, duke marrë ndihmën mjekësore.
Policia ka shoqëruar disa persona në Komisariat dhe cilido që ka ushtruar dhunë ndaj punonjësve të Policisë, do përballet me ligjin.
Prej disa kohësh banorët e “5 Majit” por jo vetëm janë ngritur në protesta që kundërshtojnë shembjen e banesave të tyre. Ata kërkojnë marrëveshje me qeverinë për banesat e reja dhe dëmshpërblimin në proporcion të drejtë me pronat që kishin.
Discussion about this post