Tentativë vrasje e trafik droge, kapen 2 shqiptarë nga policia greke

Policia greke ka arrestuar dy shtetas shqiptarë të kërkuar me urdhra arresti europian.

Dy shqiptarët e kërkuar janë ndaluar në pikat e kalimit kufitar të Kakavijës dhe Kapshticës.

Në Kakavijë është ndaluar në tentativë për të dalë nga Greqia, një shtetas shqiptar i kërkuar nga autoritetet gjermane për veprat penale “tentativë vrasje” dhe “ndërhyrje të rrezikshme në trafikun rrugor” duke rrezikuar dënim deri në 15 vjet burg.

Ndërsa në Kapshticë, është arrestuar një 30 vjecar shqiptar i kërkuar nga autoritetet belge për “pjesmarrje në organizatë kriminale” dhe “trafik droge dhe lëndësh psikotrope”.