Një 44-vjeçar është plagosur me armë zjarri në orët e para të së hënës në fshatin Markat, bashkia Konispol.
Burime nga policia bëjnë me dije se Saimir Haxhi, banor i fshatit, ka mbetur i plagosur në shpinë, dyshohet nga një armë gjahu (çifte).
Ngjarja ka ndodhur rreth orës 02:00 të mëngjesit, ndërsa sipas informacioneve paraprake, dyshohet se 44-vjeçari ka tentuar të vjedhë në një banesë të zonës, ku mund të jetë qëlluar nga pronari ose persona të tjerë të pranishëm.
Saimir Haxhi, me precedentë penalë, është transportuar fillimisht në spitalin e Sarandës dhe më pas është dërguar në spitalin e Vlorës për trajtim më të specializuar.
Policia e Sarandës ndodhet në vendngjarje dhe po heton për rrethanat e plota të ngjarjes.
Discussion about this post