Policia kufitare në Muriqan ka kapur plotë 202 mijë euro të cilat nuk ishin deklaruar. Sipas bluve të Shkodrës, paratë iu kapën një 53-vjeçari, me inicialet I.B, banues në Shkodër, që po tentonte t’i fuste në Shqipëri pa i deklaruar në doganë.
Sipas policisë, kjo shumë parash dyshohet se është përfituar nga veprimtari kriminale. Në përfundim të veprimeve hetimore, policia ka referuar materialet në Prokurori dhe nisi procedimi penal në gjendje të lirë për 53-vjeçarin për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”, njofton policia.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
Discussion about this post