Një ngjarje e rëndë është regjistruar mbrëmjen e djeshme në Klos, ku një 66-vjeçar ka humbur jetën pasi është marrë nga rrjedha e fortë e lumit Mat.
Sipas informacioneve paraprake, viktima kishte tentuar të kalonte lumin, por si pasojë e prurjeve të shtuara të ujit është rrëmbyer nga rrjedha. Menjëherë pas njoftimit, shërbimet e emergjencës dhe banorë të zonës kanë nisur kërkimet.
Trupi i pajetë i 66-vjeçarit u gjet disa kilometra më larg, në orët e para të mëngjesit të sotëm, pa shenja jete. Autoritetet po punojnë për zbardhjen e plotë të rrethanave të ngjarjes, ndërsa i bëjnë thirrje qytetarëve të tregojnë kujdes të shtuar dhe të shmangin kalimin e lumenjve në kushte moti të përkeqësuar.
Discussion about this post