Tentoi të kalonte në Muriqan me dokumente false, kapet 52-vjeçari

Një 52-vjeçar është arrestuar pasi ka tentuar të kalojë kufirin me dokumente identifikimi të dyshuara të falsifikuara, me të dhënat e një shtetasi tjetër, me të cilin ai kishte ngjashmëri.

Njoftimi.

Shërbimet e Policisë Kufitare të PKK Muriqan arrestuan shtetasin 52 vjeç, banues në Vlorë, pasi në PKK Muriqan, në dalje, i ka paraqitur punonjësit të Policisë Kufitare, dokumente identifikimi të dyshuara të falsifikuara, me të dhënat e një shtetasi tjetër, me të cilin ai kishte ngjashmëri.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.