Policia e Korçës ka arrestuar një 28-vjeçar i cili u kap duke drejtuar mjetin në gjendje të dehur. Mirëpo “aventura” nuk ka qenë vetëm kaq, pasi i riu me inicialet K.K., i ka ofruar punonjësit të policisë 2 mijë lekë të reja, ose ndryshe 20 mijë të vjetra që të shmangte testin e alkoolit.
Specialistët e Seksionit kundër Korrupsionit në Drejtorinë Vendore të Policisë Korçë, bënë arrestimin në flagrancë të shtetasit K. K., banues në Bilisht, Devoll.
Pas kryerjes së test alkoolit rezultoi se K. K., drejtonte mjetin në gjendje të dehur.
Në cilësinë e provës materiale u sekuestruan dy kartëmonedha të prerjes 1000 lekë. Materialet i kaluan Prokurorisë së Rrethit Gjyqësor Korçë, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”.
Discussion about this post