Një armë zjarri tip ‘kallashnikov’ është sekuestruar nga policia e Shkodrës. Arma dyshohet se është përdorur për të kryer ngjarje kriminale.
Ndërsa policia ndërhyri në një banesë në lagjen ‘Skënderbeg’ ku po tentohej të murosej arma tip ‘kallashnikov’.
Për rastin nisën hetimet në gjende të lirë për të moshuarin që u gjet i vetëm në banesën ku u zbulua arma. Gjatë kontrollit në banesën e tij, shërbimet e Policisë gjetën një armë zjarri automatik, me një kreher me 30 fishekë, të cilat u sekuestruan në cilësinë e provës materiale dhe do të dërgohen për ekzaminim të mëtejshëm në Institutin e Policisë Shkencore.
Njoftimi i policisë
Sekuestrohen 1 armë zjarri automatik dhe municion luftarak.
Arma e zjarrit do të dërgohet në Institutin e Policisë Shkencore, për ekzaminime të mëtejshme.
Në momentin e kontrollit në banesë është gjetur vetëm një i moshuar, i cili është proceduar në gjendje të lirë për shkak të moshës.
Strukturat e Komisariatit të Policisë Shkodër, në bazë të informacioneve të siguruara nga inteligjenca policore, se në një banesë po tentohej të murosej një armë zjarri kallashnikov që dyshohet se mund të jetë përdorur në ngjarje kriminale, kanë ndërhyrë menjëherë për kontroll në banesën e shtetasit Gj. M., banues në lagjen ‘’Skënderbeg’’, Shkodër.
Gjatë kontrollit në banesën e këtij shtetasi, shërbimet e Policisë gjetën një armë zjarri automatik, me një kreher me 30 fishekë, të cilat u sekuestruan në cilësinë e provës materiale dhe do të dërgohen për ekzaminim të mëtejshëm në Institutin e Policisë Shkencore.
Discussion about this post