Në kongresin e mbajtur nga Partia Socialiste ditën e djeshme, u tentua që të ndërpritej fjala e deputetit Erion Braçe pasi ky i fundit ndryshe nga ministrat dhe deputetët e tjerë shprehu kritikat ndaj qeverisë.
Me anë të një postimi të gjatë në rrjetet sociale Braçe, ka një mesazh për Partinë Socialiste. Ai e cilëson si mungesë respekti këtë veprim, pas kontributit të tij në selinë rozë që ai e quan “shtëpi”.
“E para, mungesa e respektit pas kaq vitesh pune, të bën keq! E dyta, të biesh në kurth në shtëpinë ku ke vendosur edhe ti një tulle, të dëshpëron; shkova dje në panelin e bujqësisë të KONGRESIT TË PS si detyrim ndaj çdo bujku, por edhe me shijen e mirë lënë në vesh nga fjalët e kryetarit të PS së nevojitej frymë kritike në ato panele, në besë të udhëheqësit që ndërhyri disa here dje, pas kërkesës telefonike për “t’i dhënë zjarr debatit”, këtij të bujqësisë!”, shkruan Braçe.
Ai gjithashtu thekson se kur bëhet fjalë për hallet e bujqve, fjalimet e përgatitura janë të papranueshme.
“E treta, “debati” me skalete të përgatitur e telekomanduar lavdesh pa debat, ta shpif, veçanërisht kur në mes janë hallet e bujqve si shumica e vendit! E katërta, hipokrizia nuk zgjidh gjë, nuk vlen; shikoni unë di të flas edhe si Ai, edhe si Ajo, madje me mire se te dy këta që dirigjonin skaletën, POR NUK E BËJ, E THJESHTË, NUK ËSHTË E VËRTETA! Nuk e bëj dot që të dëgjoj ndryshe atje tek njerëzit në Divjakë, Lushnjë, e ti them ndryshe në Tiranë, t’i dëgjoj halle, e ti them arritje, t’i shënoj si gabime, e t’i listoj si suksese; MË VJEN TURP!”, shkruan Braçe.
Deputeti i selisë rozë përmbyll shkrimin e tij, duke e vënë theksin te e drejta për të qenë kritik dhe për ta shprehur publikisht, kur e vërteta nuk thuhet.
“Në fund, e drejta për të menduar në mënyrë kritike e për të kritikuar publikisht edhe në shtëpinë tënde, është e drejte themelore, e pacenueshme. Në reflektim të gjithçkaje, nuk e kanë me mua, e kanë me atë që unë them, me TË VËRTETËN! Nëse do të kisha folur ndryshe, të kisha hyrë në trenin e lavdeve, nuk do isha ndërprerë asnjëherë, siç tregtarët aty nuk u ndërprenë”, përfundon Braçe.
View this post on Instagram
Discussion about this post