Me barazimim 0-0 kundër Gironas të hënën, lojtarët e Barcelonës e rritën avantazhin e tyre ndaj Real Madridit në 13 pikë, kur kanë mbetur edhe 10 ndeshjet e fundit të La Ligas, por gjithashtu iu afruan edhe më shumë thyerjes së rekordit të klubit për numrin e ndeshjeve pa pësuar gol.
Përkatësisht, ndeshja e javës së 28-të ishte e 21-ta në sezonin aktual, në të cilën lojtarët e Xavi Hernandez nuk pësuan gol, që do të thotë se portieri Mark Andre ter Stegen, aktualisht është i treti në historinë e klubit ‘blaugrana’ sipas atij parametri.
Portieri gjerman i katalanasve duhet të ruajë portën e tij edhe për të paktën tri ndeshje të tjera, në mënyrë që të barazojë rekordin e legjendarit Antonio Zubizareta në sezonin 1986/87, ose dy të Claudio Bravos, tetë sezoneve më parë.
Ter Stegen do të ketë mundësinë t’u afrohet edhe më shumë këtyre rekordeve të dielën e 16 prillit, kur lideri aktual në tabelën e La Ligës do të vizitojë Getafen.
Discussion about this post